आत्महत्या दुरुत्साहन मुद्धामा सोमबार धरौटी बुझाएपछि रिहा भएका टेलिभिजन प्रस्तोता रवि लामिछानेले बेथिती विरुद्ध कडा भएर प्रस्तुत हुने बताएका छन ।
मंगलबार समर्थकलाई धन्यवाद दिन नारायणी किनारमा आयोजना भएको सभामा उनले सिधा कुरा जनतासँग कार्यक्रम मार्फत भ्रष्टाचार, बेथिति र विसंगतीविरद्ध अझै बलियो भएर लाग्ने बताएका छन् ।
कार्यक्रममा धेरै समथर्कको उपस्थिती थियो । आफूलाई अदालतले एउटा मुद्दामा मात्रै नबोल्न आदेश दिएको बताउँदै लामिछानेले अरु लाखौँ मुद्दामा जनताको आवाज बनेर प्रस्तुत हुने बताए ।
‘मलाई अदालतले एउटा मुद्दामा नबोल्न भनेको छ तर देशमा बोल्नुपर्ने लाखौँ मुद्दा छन् म ति मुद्दामार्फत जनताको आवाज बुलंद पार्नुेछ’, लामिछानेले भने । उनले जनताको अपार माया पाएको आफूलाई सुरक्षा चुनौती छ भन्ने महसुस नभएको बताए ।
